Nagdig-on an bilyonaryo nga konraktor nga hi Sarah Discaya nga dire hiya naghahatag hin anuman nga kickback o porsyento ha Department of Public Works and Highways (DPWH).
Ha pagdungog han Senate Blue Ribbon Committee, gin pakianhan ni Sen. Jinggoy Estrada an bilyonaryo nga negosyante kun pira an iginhahatag niya nga porsyento ha mga DPWH official ha kada nakakakuha an iya mga kumpany hin kontrata ha gobyerno han Pilipinas.
Sugadman, nagdig-on hi Discaya nga dire hiya naghahatag hin porsyento.
Labot hine, dire daw gihapon hiya nakikipagtransaksyon ha mga ginsusulod nga kontrata han iya mga kumpanya.
Gin pahimatngunan gihapon ni Sen. Estrada hi Discaya nga kun mapamatud-an nga nagbubuwa hiya in pwede hiya mapreso mahitungod nga nanumpa ine ugsa magyakan ha Senate hearing.
Pero sumala kan Discaya, dire naghahatag hin anuman nga porsyento o kickback an iya kumpnya, lugod, iginpapaagi an mga ine ha legal ng proseso.
