Nagpagawas hin hold departure order ngan warrant of arrest an Sandiganbayan Fourth Division kontra kanda Sen. Rodante Marcoleta ngan anay Anakalusugan Rep. Micheal Defensor ha pagtalapas ha Presidential Decree No. 4.
Kasumpay hini han pagkarawat ni Marcoleta hin campaign donations ugsa an national elections dida han 2025.
Hi Defensor in presente nga nakadetine ha New Quezon City Jail – Male Dormitory ha ilarum han commitment order nga ginpagawas han Sandiganbayan Third Division, nga amo an nakapot ha kaso nga plunder kontra ha iya ngan ha iya mga kaurupdan.
Samtang, nagpapabilin naman hi Marcoleta ha PNP General Hospital ha Camp Crame mahuman hiya makaabat hin komplikasyon ha panlawas kasunod han iya pagkakadakop dida han Lunes, Hulyo 6.
An mga pitad han Sandiganbayan in kaparte han mas ginpahugot nga kampanya kontra korapsyon ngan pagtalapas ha balaud nga may kalabutan ha paggamit han pondo ngan donasyon ha panahon han eleksyon.
