TACLOBAN CITY – Ginhihingita han Department of Tourism (DOT) Regional Office 8 nga makompleto o mahuman an aesthetic lighting project ha San Juanico Bridge ha katapusan han bulan han Mayo yana nga tuig.
Una hini, nadelatar an completion han pagpapalaga han mao nga pinakahalaba nga tulay ha Pilipinas tungod han gindumara nga rehabilitasyon ngan pagrepair hini.
Sumala kan Karina Rosa Tiopes, Regional Director han DOT 8, ginlalauman nira nga makokompleto an mao nga San Juanico Bridge lighting san-o mahuman an termino ni Presidente Rodrigo Duterte agud nga makagdumara han inagurasyon hini.
Samtang, ginhihingita gihapon ha pagkayana han DOT an pagtitindog hin ikaduha nga tulay ha San Juanico Strait.
Ini in mahitungod nga ha kadamo han nagamit o naagi ha San Juanico Bridge in nagkakaada danay hin trapiko ngan an pagtitindog hin second bridge in makakabulig agud nga dire magbugiot an mga mangaragi o gumaramit han mao nga tulay.
