TACLOBAN CITY — Gisasyahani nga nagpresentar an Samar Police Provincial Office ha ira nakumpiskar nga mga armas ha ginbuhat nga simultaneous Anti- Loose Firearms operations yana nga tuig.
Ini in ginbuhat ha Police Regional Office 8 dida la han nakalabay nga Lunes ha pangunguna han bag-o nga Regional Director Police Chief Superintendent Dionardo Carlos.
Sumala kan PSSupt Nicholas Torre III, Provincial Director han Samar Police Regional Office nga an natura nga operasyon in kaparte ha kamanduhan ni PRO 8 Regional Director PCSupt. Dionardo Carlos nga kada semana in magkakamay-ada hin recap han mga accomplishment han kada stasyon han kapulisan ha Sinirangang Bisayas.
Lakip ha mga gin-presentar an magkadurudilain nga kalibre hin armas nga ira narekober tikang ha natabo nga engkwentro ala kontra ha mga miyembro han New Peoples Army (NPA) sugad man an nakuha tikang ha panimalay han anay mga kapitan han Barangay Patong Calbayog City nga hira Jornito ngan Sonny Tegra durante han pagserbi han search warrant.
Gin-aaghat naman ni Torre an mga nagtatag-iya hin pusil nga igparehistro an mga ini ngan magtag-iya la hin mga “legally obtained firearms”.
An kaparte han pamahayag ni PSSupt Nicholas Torre III, Provincial Director han Samar Police Provincial Office (SPPO)
