Gin bay-og hin hiluag nga drone ngan missile strikes han Russia an Ukraine dida han nakalabay nga adlaw kun diin umigo ini ha power grid ngan iba pa nga imprastraktura han Ukraine nga ikinamatay han diri maubos ha lima katawo samtang 39 naman an samaran. sugatan.
Sumala ha Ukrainian Air Force, gumamit an Russia hin 11 nga Iskander-M ballistic missiles ngan 164 drones ha magkakasunod nga pag-atake.
Ha kaluyo nga na-intercept an kadam-an hini, may pira nga missiles ngan drones an umigo ha mga target kaupod na an mga pasilidad ha enerhiya han Ukraine.
Samtang, gin komperma han state energy firm na Naftogaz nga na igo an mga natural gas facility ha Poltava ngan Kharkiv region.
Subay ha kumpanya balik-balik nga naiigo an mga pasilidad tikang magtikang an tuig 2026.
Mahitungod hini, kinondena ni Ukrainian President Volodymyr Zelenskyy an mga pag-atake, ngan gin tawag ini kumo “utter cynicism” han Moscow, ilabi na nga kadungan ini han temporaryo nga ceasefire.
Sumala ha Russia, magpapatuman ini hin unilateral ceasefire ha mga ma abot nga adlaw kasumpay ha pag salin-urog han Victory Day, pero pahimatngon hini in ma bulos an nasud kun umatake an Ukraine.
Baton naman han Kyiv, andam ini sumunod ha ceasefire kun masunod gihapon an Russia, pero nagpahimatngon ini hin pagbulos kun magkakaada hin pag talapas ha kasarabutan.
Samtang, nagpapadayon naman an balyuay hin pag-atake ha butnga han duha nga nasud kundiin, naglunsar an Ukraine hin long-range strikes ha sakob han Russian territory.
