TACLOBAN CITY – Ginpahibaro han Rizal Central Elementary School, nga nagtikang na hira nga mangarawat hin estudyante nga mag-eenroll para yana nga pag-abre hiton face to face classes.
Sumala kan Harold Naputo, Asisstance Principal han Rizal Central Elem. School, nga han nakalabay pa nga Hunyo 25 nagtikang an mao nga skwelahan nga man-enroll hiton mga kabataan ha tanan nga mga grade level.
Gin-aabi naman an mga kag-anak, nga bumisita ha ira skwelahan agud nga igpa-enroll an ira mga anak.
Dugang pa han nasabi nga opisyal, nga an ira nagin stratihiya han pag-enroll in pinaagi gihapon han mga teacher adviser han kada grade level kun diin gin- iintrigo nala han mga ine an ira mga estudyante nga nagpaka-pasar ha masunod nga grade level agud nga mas magin masayon nala an proseso han pan-enroll.
Ginmalatumat pa han mao Principal, nga waray hira naka-set nga schedule para ha tanan nga mga grade level, sanglit nga pwede pumakadto an mga kag-anak ha mao nga skwelahan agud nga manginano ngan magpa-enroll na han ira mga estudyante, para yana nga school year 2022-2023.
