-- Advertisements --
TACLOBAN CITY – Padayon la gihapon an gindudumara nga revalidation ha mga hotspot areas ha Region 8 kumo kaparte han pangandaman para han tidaraon nga piniliay ha Mayo 9 yana nga tuig.
Sumala kan PLtCol. Ma. Bella Rentuaya, tagapagyakan han Police Regional Office 8, igrerelease la han COMELEC an mga natudlok nga hotspot areas pananglitan nga mahuman na an mao nga revalidation han joint operation committee.
Mayda manggud mga kategorya ha pagdedeklara hin election hotspot ha usa nga lugar basar ha COMELEC.
Nagpatapod naman an Police Regional Office 8 nga hihimuon nira an ngatanan agud maging mahimyang ngan mahirayo ha kasamok an nagtitikahirani nga local ngan national elections ha nasud.
