TACLOBAN CITY– Naugba an usa nga residential house ha may Brgy. 87 Blue Ridge Subdivision San Jose, Tacloban.
Sumala kan Crispin Banzon, tag-iya han panimalay nag tikang an kalayo ha altar ha 1st floor kun diin madagmit ini nga dumako.
Dugang pa hiton tag-iya han panimlay, waray hira may nasalbar nga mga gamit han ira kagupong matungod han kalayo ngan kapaso ha sulod han ira balay.
Nag-angkon naman hin paso ha kamot an tag-iya han panimlay pero dayon naman ini nga gin tagan hin fist aid response han BFP.
Mababaruan nga pasado alas 7:49 gindeklara nga fire out an nasabi nga sunog.
Waray naman may nadamay nga panimalay ha nasabi nga sunog.
Ha pagkayana, padayon pa an ginhihimo nga imbestigasyon han mga otoridad kasumpay ha tinuod nga rason han sunog
ngan kun pira an ginbayaan nga danyos han mao nga panhitabo.
