TACLOBAN CITY – Kumo kaparte han 62nd Fish Conservation Week in nanawagan an ahensya han Bureau of Fisheries and Aquatic Resources nga magkamay-ada hin replenishment ha mga marine resources.
Agud makuha an “Pangisdaang Masagana, Sapat na Isda sa Bawat Pilipino” in kinahanglan nga ig explore an mga land bodies of water kun diin, gin hihingita han ahensya nga ha mga masunod nga tuig in matagan hin backhoe an ahensya agud mabutangan an mga fisherfolks associations ha mga identified Local Government Unit hin fishpond.
Kasumpay hini in kinahanglan nga mag alutaga an mga lokal nga pangobyernohan hin dire maubos usa ka-ektarya nga area han bungto para pag butangan hin small swift kun diin ig pa-pump an tubig nga ig di-distribwer ha kada balay agud magkamay-ada ini hin kapas nga mag tindog hin fishpond ngan iba pa.
Sumala kan Bureau of Fisheries and Aquatic Resources Eastern Visayas OIC Regional Director Dominador Maputol, an prayoridad nga panginahanglan han Bureau of Fisheries and Aquatic Resources in an bangus, tilapia, seaweeds, shellfish, ngan shrimps o hipon.
Dugang pa hini, dako an iya pagpapasalamat nga damo an mga high value commodities ha rehiyon nga waray pa ka e-explore sugad man an lobster ngan crabs o masag kun diin naglalaum hi Maputol nga ha mga masunod nga tuig in makakaghimo hin nursery hin lobster ngan crabs o masag ha Eastern ngan Northern Samar agud ma-suplayan an kakulangan han mga ine ha Sinirangan Bisayas.
Naghahangyo naman hi Maputol ha mga fisherfolks nga makigbinuligay agud matuman ngan matagamtaman an hingyap han kabug-usan nga mahimo nga Lobster Capital of the Philippines an Sinirangan Bisayas.
Samtang, an mga area naman nga natudlokna han BFAR agud ig explore in an mga bungto han Lapinig, Northern Samar ngan Oras, Eastern Samar mahitungod nga damo an mga lobster ngan crabs ha nasabi nga mga areas. (via Bombo Niña Magpili)
