Boluntaryo nga umatubang hi House Majority Leader Sandro Marcos ha pagdungog han Independent Commission for Infrastructure (ICI) kasumpay han iregularidad ha mga flood control project.
Sumala kan Marcos, waray hiya padad-e hin subpoena ngan umatender hiya agud makabulig ha imbestigasyon han komisyon.
Iginpahayag hine nga andam hiya nga batunon an ngatanan han pamakiana ngan maghatag hin anuman nga impormasyon nga makakabulig ha pagklaro han isyu.
Naghangyo naman an iya kampo hin executive session nga dayun nga gin hatag ni ICI Chairman Andres Reyes Jr.
Nasusumpay an pag-atubang ni Marcos ha alegasyon ni anay Ako Bicol Rep. Zaldy Co nga mayda bilyo piso ng budget insertions daw ha flood control projects tikang han 2023 kutob 2025.
Maduon naman nga igindiwara ni Marcos an akusadyon ngan iginduon nga waray hiya hibabruan ha anuman nga anomaliya.
Padayon nga gin iimbestigahan han ICI an daw haluag nga korapsyon ha flood control projects ha magkaduru-dilain nga rehiyon han nasud.
Ginlalauman nga magpapagwas hin rekomendasyon an komisyon mahuman makompleto an testimonya han mga opisyal nga gin iimbestigahan.
