NATIONAL NEWS– Naghaon hin balaodnon hi Leila de Lima, tiniglawas han Mamamayang Liberal Party-list, agud nga magdumara hin review ngan reporma ha justice system han nasud.
Ha ilarom han House Bill No. 7635, magbubug-os hin usa nga komisyon nga manginginano ha pamaagi han pag-iimbestigar, maghuhukom, ngan magdedesisyon ha mga kaso, kalakip an may kalabutan ha public officials ngan dagko nga korapsyon.
Panuyo gihapon hine nga magrekomenda hiton mga pitad para himuon nga episyente, transparent, ngan accountable an sistema.
Sumala kan De Lima, an mahinay ngan madagmit nga maimpluwensiyahan nga sistema hiton hustisya an nagpapaluya an demokrasya ngan rule of law, labi na ku nadedelatar nga mapapagbaton ha mga kaso nga may kalabutan ha korapsyon.
Pagdudumaraon naman han komisyon an mga hearing ha magkalain-lain nga parte han nasud ngan makonsulta ha hudikatura, law enforcement, civil society, ngan pribado nga sektor, kalakip na an marginalized sectors.
Nagdig-on hi De Lima nga kinahanglan masaradhan an mga legal nga loopholes agud nga malikayan an mga pan-aabuso ngan maibalik an pagtapod han publiko ha justice system.
