ENTERTAINMENT NEWS– Nagresulta ha tensyon an pira nga mga eksina ha sashing ceremony han Miss Universe 2025 ha Thailand.
Ine in mahuman nga hitaas-an hin boses han head host country organizing committee nga hi Nawat Itsaragrisil an kandidata hiton Mexico nga hi Fatima Bosch rason han pag-walkout hine, ngan ginsundan hiton pira nga mga kandidata tikang ha Latin America, Asia, ngan Africa.
Subay ha report, ginsukna hi Miss Mexico mahuman nga baribaran an sponsor photo shoot ngan sumige la ha pira nga aktibidad han Telemundo.
Han ig-esplikar hine an iya kalugaring, ginpapagpili hiya ni Nawat kun magpapabilin hiya o malakat.
Sumuporta naman ha iya hi reigning Miss Universe Victoria Theilvig, nga sumunod gihapon ha paglakat kumo suporta ha Mexican beauty queen.
Makikit-an gihapon ha video nga nag-aro hin bulig hi Nawat ha security pero waray kapugngi an mga kandidata ngan nagkagawas an mga ine.
Ha katapuusan, na tadong naman an komosyon han Miss Universe Thailand ngan MUO ngan nadayon an sashing ceremony .
via | Bombo Juvelyn Rancodo
