TACLOBAN CITY – Gindumara han nakalabay nga bulan han Nobyembre an English Month Culmination ha Rizal Central School, kun diin gibubuhat han mga tiglawas han skwelahan an ‘Brigada Pagbasa’ usa nga aktibidad nga para mapaupay an Reading Comprehension han mga kabataan nga nangingiskwela.
Sumala kan Harold Naputo, Assistant Principal han Rizal Central School, ginbuhat an Brigada Pagbasa para mabuligan an mga studyante partikular na ha Kindergarten ngan Grade 1 nga mapaupay pa an ira pagbasa ngan pag-intende ha ira ginbabasa. Para dire na ine makurian pag-ihap, ngan mas madali na pag-identify ha mga letra ngan numero ngan para durudiretso an ira pag-aram.
Subay kan Naputo, tanan nga burahaton ha sulod hiton skwelahan in nagtitikang mangud ha pag-basa.
Ginkakalipay gihapon hiton mga tiglawas han Rizal Central School agud mayda mangud napakada nga mga reading partners o mga volunteers nga nangapply ha DEPED nga nabulig ha mga Teachers ha pagtutudo pagbasa ha mga studyante kada biyernes.
An panuyuan hine nga Brigada Pagbasa in dire la para maaram ngan nakakaintende an mga kabataan hiton ira gin-babasa, para gihapon ine masigurado nga lanat han mga kabataan an ira independent reading ability nga sakto ha ira grade-level.
