TACLOBAN CITY — Igduduso ha pagdudumaraon nga session regular yana nga adlaw nga maipasa an ordinansa nga nagduduso nga magin balaodnon an pagigin permanente han Marasbaras South Terminal kumo ginkikilala nga terminal han mga south bound nga mga PUJ.
Sumala kan Malou Tabao, assistant information officer han City Government han Tacloban, nga igpapadayon an pagpatuman hini tungod naobserbaran nga naibanan an trapiko ha downtown area han siyudad han igbalhin an rota han mga biyahe tikang south bound.
Dugang pa hini nga an mao nga re-routing in nakabulig gihapon ha mga multicab drivers han Tacloban partikular na an biyahe pa Marasbaras nga maka income hin durudako tungod nga waray na hira nagigin katunga ha mga pasaheros.
Mababaruan nga yana nga adlaw na an 3rd and final reading para inin in magin usa na nga ordinansa.
