Utro nga gin abrihan an Rafah crossing, pangunahon nga aragian pagawas ngan pasulod han Gaza, pero gutiay la an nakatabok mahitungod ha kasamok ha crossing, maiha nga paghinulat, ngan mga report han pira nga Palestino nga naka-posas, ngan gini-interrogate han Israeli soldiers.
Sumala ha UN, ha syahan nga upat nga adlaw, 36 nga pasyente ngan 62 nga kaupod la an nakagawas, samtang 20,000 nga Palestino an naghuhulat. Sarado gihapon an crossing dida han Biyernes ngan Sabado.
Pira nga Palestino naman an nag-istorya nga sobra unom kaoras an interogasyon nga mayda panginsulto, ngan subay ha UN, mayda “pattern han ill-treatment ngan humiliation” han Israeli forces.
Nagpadayon an pagka-delatar mahitungod ha limitado nga transportasyon, bawal nga gamit, ngan usa-pasulod, usa-pagawas nga sistema.
Ha kaluyo hine, mayda mga Palestino sugad ni Siham Omran nga nagpasalamat nga makabalik ha ira panimalay, bisan man kun naukoy la ine ha usa nga tolda kaupod an 15 nga paryente hine.
