TACLOBAN CITY– Ginpasabot han Department of Health Eastern Visayas, nga humamubo an kaso hiton rabies ha rehiyon.
Pero ha kaluyo hine, gin-aagat la gihapon an publiko nga maghirot ngan magpabukana agud nga makalikay ha posible nga kadelikaduhan hiton rabies.
Sumala kan Leonido Olobia, Program Manager – National Rabies Prevention and Control Program an rabies in dire natural nga nagkakamayda an usa nga hayop, kundi nakukuha ine ha usa nga hayop nga infected.
Subay ha pagbana-bana han World Health Organization WHO kada tuig in mayda sobra 55,000 an namamatay nga indibidwal matungod hiton rabies kun diin kadam-an han mga ine in tikang ha kagat hiton ayam.
Samtang, ha datos naman han DOH-8, han nakalabay nga tuig umabot ha 100,000 bite cases ngan 10 katawo naman an namatay ha kaso nga rabies ngan kadam-an ha mga ine in mga kalagsan ngan usa nga 7-anyos nga bata.
Pero pagklaro han departamento, humamubo ine kumpara han nakalabay nga tuig kun diin 3 yana nga tuig iton namatay matungod ha rabies.
