-- Advertisements --
TACLOBAN CITY – Ginpahayag han Tacloban City Government nga waray naging pagbabag-o ha aludayday nga ginpapatuman ha pagkayana mahuman nga pahalawigon tubtob hiton Setyembre 30 an pagpapailarom han syudad ha General Community Quarantine (GCQ).
Sumala kan Atty. Aldrin Quebec, Tacloban City Administrator, an ginpalusad nga executive order ni Mayor Alfred Romualdez in subay ha kamanduan ngan deklarasyon ni Presidente Rodrigo Duterte nga igpailarom ha GCQ an Tacloban ha bug-os nga bulan han Setyembre.
Waray naman pagbabag-o ha mga guidelines ngan quarantine measures nga ginpapatuman ha pagkayana ha syudad.
Padayon nga gindidire an social gatherings o bisan ano nga klase hin katitirok ngan sugadman an implementasyon han liquor ban.
