Ginbasura han Quezon City Regional Trial Court an P1 billion civil case kontra kanda anay House Speaker Martin Romualdez, anay Ako Bicol party-list Rep. Zaldy Co, Quezon City Fifth District Rep. Patrick Micheal Vargas, ngan iba pa nga respondents kasumpay han maanomalya nga flood control projects.
Ha usa nga mando nga may petsa nga Abril 15, 2026, pero yana la ginpagawas ha media, ginmalatumat han korte nga dire hini puydi maaksyunan an reklamo han mga complainant mahuman hira mapakyas magbayad han ira ginkikinahanglan nga filing fees.
Ini ha kaluyo nga natagan hira hin notice dida han siyahan nga parte han February 20, 2026.
Disyembre 2025 han magsumite hin kaso ng Abuse of rights and unjust erichment an grupo nga United People’s Against Corruption o UPAC ha pangunguna ni anay Quezon City Councilor Antonio Inton Jr.
Naaro an mga complainant hin P1B nga danyos mahitungod ha mga perwisyo han mga pagbaha matungod ha palpak nga flood control projects.
