TACLOBAN CITY – Nakatalaan nga pagdumaraon yana Hunyo 28 an PWD Got Talent ha syudad han Tacloban.
Ini in ha pangunguna han pamunuan han Persons With Disability (PWD) Association ha Tacloban City.
Sumala han president han mao nga asosasyon nga hi Onie Balintong, an mao nga kompetisyon han PWD Got Talent in kadungan han ira pakikiusa ha pagsalin-urog han selebrasyon han kapatrunan ha syudad han Tacloban.
Dugang pa hini nga panuyuan hini nga maipakita an mga talento han mga PWDs tikang ha magkadirudilain nga barangay ha syudad.
Makakarawat hin P5,000 cash prize an magdadaog kumo 1st prize winner, P3,000 naman para ha 2nd prize winner, P2,000 ha third prize winner sugadman consolation prizes para ha mga non-winners.
Labot la han PWD Got Talent in magkakaada gihapon hira kompetisyon parte han PWD Queen of Tacloban yana nga Hunyo 28.
