TACLOBAN CITY – Dead on the spot an usa nga purupangisda mahuman nga pagpamumusilon han waray pa makilal-i nga Suspek ha Brgy Tarusan, Laoang, Northern Samar.
Ginkilala an biktima nga hi Agustin Acedera Adora, 53 anyos ngan residente han mao nga lugar.
Ginpahayag han asawa han biktima nga hi Juanita Adora, nga tipakaturog na unta hira kaupod han iya asawa han tigda la nga mayda tumok-tok ha ira panimalay.
Dayun naman nga gumawas an biktima ngan pira ka minutos an naglabay in nakabati ini hin mga pabuto-buto.
Didto na niya nga nakit-an nga napusil an iya asawa.
Guin-dara naman an biktima ha Dr. G.B. Tan Memorial Hospital pero gindeklara ini nga dead-on-arrival.
Waray pa matudlok an mga kapulisan nga motibo han mao nga insidente.
Ha pagkayana in padayun pa an ginbubuhat nga follow-up investigation han mga kapulisan ha mao nga Krimen.
