TACLOBAN CITY- Nagpahimatngonan ha publiko an pamunuan han Leyte Electric Cooperative II ( LEYECO II) nga kinahanglan an pagitpid han kuryente.
Ini in may kalabutan han temporaryo nga natatagamtaman nga surok han kuryente ha magkadirudilain ng parte han Rehiyon 8.
Sumala kan Chris Garcia nga tinaglawas han LEYECO II nga diri gud kinahanglan nga saksakon an tanan nga appliances han panimalay agud nga makatitipid ngan sugad man makatagamtam an ngatanan nga katawhan hin bisan limitado nga suplay han kuryente.
An kaparte han pamahayag ni Chris Garcia nga tinaglawas han Leyte Electric Cooperative II ( LEYECO II)
Guinduon pa han mao nga opisyal nga posible nga magkamay-ada lugod hin dako nga problema ha surok han kuryente kun diri makayanan an kapasidad han mga appliances nga guindudurungan ha pagsaksak.
Mababaruan nga target han mga guintutuinan nga ahensya nga mai-restore an kuryente ugsa nga mahuman an bulan han Hulyo yana nga tuig.
