Iginduduso ni Manila 3rd District Representative Joe Chua an House Bill 5862 o panukala nga Public Nursing Home Act of 2025 para ha mga senior citizens ha kada syudad ngan bungto ha nasud.
Sumala ha magbabalaod, kaya ini makab-ot ngan posible makagtukod hin public nursing homes ha mga priority areas ha sulod hin lima katuig.
Duon pa ni Chua, an nursing homes para ha mga kalagsan nga populasyon nga gin abandona, waray urukyan, ngan waray pamilya o paryente nga mag-aatiman ha ira in usa nga moral nga pagbaton.
Nagdig-on gihapon an magbabalaod nga an nursing homes in kinahanglan nga mayda sakto nga mga pasilidad, mga kwarto ngan espasyo para ha mga kalagsan, sugadman kinahanglan mayda basic utilities, kuryente nga tubig, kwalipikado nga stff, basic health ngan recreational facilities, ngan administrative office.
Kinahanglan gihapon an bed capacity han institusyon in sakto ha kadamo han mga kalagsan nga populasyon.
Ha ilarom ha panukala balaod, iginrekomenda nga maghatag hin technical assistance ngan supervision an Department of Social Welfare and Development (DSWD) ngan National Commission of Senior Citizens (NCSC) samtang magka-upod nga pagmamanguluhan an nursing homes han local Office of Senior Citizens Affairs ngan Social Welfare Office.
