TACLOBAN CITY – Ginpanhimuwa ni PSSUPT Leonardo Suan, an anay Deputy Regional Director for Operations han Police Regional Office 8 (PRO-8) an daw pagkakadabi ha Iligal nga droga.
An mao nga pamahayag in kasumpay han ginpagawas nga drug matrix han pangulong duterte nga kun diin upod an ngaran ni Suan kaupod an iba pa nga higtaas nga opisyal ha PNP ngan PDEA.
Sumala kan Suan basar ha ekslusibo nga pakipaghimangraw han Bombo Radyo Tacloban, nga daw diri niya kilala an mga tawo nga nakadto ha drug matrix.
Diri daw hiya magkokomento pa tungod nga waray paman mapatud-an an mga alegasyon kun ano ba an tinuod niya nga involvement han ginpagawas nga drug matrix.
Manunumduman nga guinpagawas ni Pangulong Rodrigo Duterte an pinakabagong “drug matrix” kun diin nakabutang an higtaas an opisyal han PNP ngan Philippine Drug Enforcement Agency (PDEA) an daw dabi o protector ha iligal nga droga.
Kalakip ha mga nakabutang ha listahan hira Sr. Supt. Eduardo Acierto nga amo daw an lider samtang ada ha ubos hini hira Sr. Supt. Leonardo Suan ngan PDEA Director III Ismael Fajardo Jr.
Ada ha ilarum naman han organisasyon ni Fajardo hira P/Inspector Conrado Caragdag, P/Inspector Lito Pirote, SPO4 Alejandro Gerardo Liwanag ngan P/Supt. Lorenzo Cusay Bacia.
Ha reportt tikang kan Pangulong Duterte, dabi an mao nga mga police officers ha drug recycling ngan iba pa nga illegal activities.
Una na nga ginpahayag ni PNP Chief Director General Oscar Albayalde nga ginsibak na ha puwesto an mao nga mga police officers agud nga tagaan hin iwag an imbestigasyon.
