NATIONAL– Gin aghat han Public Relations Society of the Philippines (PRSP) an mga membro hine nga sundon an etikal nga standard han ira propesyon ngan ginkondena an paggamit han pekee nga accounts agud magpasarang hin sayop nga impormasyon kabahin ha mga pag-aangkon han Pilipinas ha West Philippine Sea.
Ine in mahuman igpahayag ni Senate Majority Leader Francis Tolentino nga an Chinese Embassy in nag-hire hin usa nga lokal nga kumpanya agud mag-recruit hin mga “keyboard warriors” agud magpasarang hin disinformation ha social media.
Subay ha PRSP, an ira trabaho in pakusgon an reputasyon han mga kliyente pero dire ine dapat buhaton para makapan-guba ha publiko. Natuod an mga ine ha kapas han pulong ngan istorya agud hulma-on an opinyon han publiko ngan kinahanglan sundon an mga etikal nga standards ha ira trabaho.
Igin-pakita ni Tolentino ha usa nga Senate hearing an usa nga kontrata nga nagsusulod han koneksyon han Chinese Embassy ngan an Makati-based marketing firm nga Infinitus Marketing Solutions Inc., nga may kalabutan ha 330 peke nga Facebook ngan X accounts nga nagpapasarang daw hin sayop nga impormasyon.
