TACLOBAN CITY – Nakabalik na ha operasyon yana nga adlaw an mga provincial buses ha magkadirudilain nga parte han nasud.
Sumala kan Gualberto Gualberto, Regional Director han LTFRB 8, han naglabay pa nga mga bulan nagbalik an operasyom han mga bus ha rehiyon pero limitado la an mga ihap hini.
Ha pagkayana in ginpapatuman an online booking han mga pasaheros duha kaadlaw san-o nga magbyahe agud nga makag-andam an mga LGUs nga ira kakadtuan nga destinasyon.
Padayon gihapon an mahugot nga pagpatuman han health protocols ha mga pasaheros sugad han pagsusul-ot hin face mask ngan face shield ngan sugad man pag-obserbar han physical distancing kun diin limitado la an ihap han mga pasaheros nga ginpapasakay.
Nahibaruan nga tanan han nga provincial buses nga gintugutan na nga magkaada hin point to point na byahe in gintagan hin special permit tikang ha central office.
