Ginpapapanginano ni Kamanggagawa Party-list Rep. Elijah “Eli” San Fernando ha House Committee on Labor an kaandaman han Department of Labor and Employment (DOLE) nga proteheran an mga empleyado ha duro nga kapaso han sirak durot han Super El Niño.
Nakasurat ha House Resolution No. 1566 nga iginsalawad ni San Fernando nga panuyo han pagdungog nga matudlok kun sakto an mga polisiya ngan kapas han DOLE nga siguraduhon nga mayda proteksyon an mga empleyado kontra ha duro nga sirak.
Sumala kan San Fernando, kinahanglan siguraduhon an pagbaton, sakto nga labor inspectors, ngan tinuod nga heat-stress standards para ha mga empleyado.
Target gihapon han pagdungog han Kamara nga panginanuon an implementasyon han Occupational Safety and Health Standards Law, kaupod an katungod han mga empleyado nga bumaribad ha delikado nga trabaho.
Igin suhestyon gihapon ni San Fernando an pagpapatuman han work-rest schedule subay ha heat index, sugadman an proteksyon ha kita han mga empleyado nga maiibanan an oras han oras o masususpinde mahitungod ha duro nga sirak.
.jpg "PCO, pahuhugton an pakikigbinuligay ha media kontra fake news")
