Nagpahimatngon hi Project NOAH (Nationwide Operational Assessment of Hazards) Executive Director Dr. Mahar Lagmay nga dire suprisyente nga puros dike la an gintutukod nga solusyon kontra ha nagtitikaduro nga baha kada tag-uran ngan mas duro nga baha durot han climate change.
Sumala kan Lagmay, kinahanglan gihapon pakusgon an mga nature-based solutions sugad han retention basins, rainwater harvesting, sponge roads, ngan bioswales agud maibanan an malaksi nga pag-apaw han tubig ha mga salog ngan kumunidad.
Gintagan-duon gihapon hini an importansya han haluag nga pagtatanon hin puno ha upper watershed ngan mga urban areas mahitungod nga nakakabulig ini ha pag-suyop ngan pagpugong ha tubig-baha kun makusog an uran.
Mas magigin epektibo gihapon an panmaihaan nga flood management han nasud kun pag-uusahon an konkreto nga imprastraktura ngan pag-atiman ha kalibungan ha ilarom han gintatawag nga hybrid solutions.
