TACLOBAN CITY – Nagpapadayon an programa han lokal nga pangobyernohan han Lapinig, Northern Samar nga “Basura, balyo bugas”.
![](https://img.bomboradyo.com/tacloban/2021/02/250px-Ph_locator_northern_samar_lapinig.png)
Sumala kan Lapinig Mayor Ma. Luisa Menzon, nga ini in kasumpay han ira solid waste and management plan nga gintikangan dida pa han tuig 2020.
Ha kada 1 ka kilo nga plastic in ira ginbabalyo hin 2 ka kilo nga bugas pero matungod nga nagtitikadamo na yana an mga nag kikipag barter han ira recyclable materials ginhimo nala nira na kada 1 ka kilo hin plastic kabalyo nala hin 1 ka kilo hin bugas agud nga ma sustenir hin maiha an ira programa.
Dugang pa hini nga tikang han nakalabay nga tuig in naobserbaran nira an mao nga epekto hini ha ira mga mulopyo ngan labi na ha kalibungan.
Naglalaum naman ini nga mapabilin hin maiha nga panahon an programa nira nga “Basura, balyo bugas”.