NATIONAL–Gindayaw ni Deputy Speaker Paolo Ortega V hi Majority Leader Ferdinand Alexander “Sandro” Marcos ha pagpapabilin han produktibidad han Kamara kaluyo han pagatiman ha mga impeachment complaints.
Sumala kan Ortega, ha ilarom han pamamangulo nira Marcos ngan Speaker Faustino “Bojie” Dy III, waray gin-ugsod an pagpasa ha mga prayoridad nga balaudnon ngan importante nga resolusyon bisan nga nakaatubang an kapulungan ha mga seryoso nga obligasyon konstitusyonal.
Ginmalatumat ni Ortega nga “Ang impeachment ay isang tungkulin, ngunit isa lamang ito sa maraming responsibilidad ng Kamara. Nanatili kaming nakatutok sa pagpasa ng mga batas para sa kapakanan ng publiko.”
Kalakip ha mga ginduduso ni marcos kay an mga masunod: HB 7432 (No Work, No Pay for Members of Congress) nga tumong nga igkonekta an salapi han mga mambaralaod ha ira pagatender ha mga sesyon ngan pagdumog.
An HB 7443 nga tumong nga tanggalon an travel tax agud nga igpakusog an turismo ha nasud.
Labot hine, in ginaprubaran na gihapon ha ikatulo nga pagbasa an importante nga bill sugad han Energy Systems Storage Act (HB 6676) para ha mas madigon nga suplay hiton kuryente, ngan an mandatory insurance para ha mga electrical ngan telecom line workers (HB 7239).
Nagpadigon gihapon an Kamara hin mga resolusyon para ha mga lokal nga holiday, pagkilala ha mga atleta Pilipino, ngan padayaw kan anay House Speaker Jose De venecia Jr.
Sumala kan Ortega, nga an nagpapadayon nga pag-aprubar han mga balaod in pruweba han disiplina han institusyon ha butnga han ira mga oversight functions.
