Naghatag hin pahinumdom an Department of Labor and Employment ha pribado nga sektor nga pwede hini igkonsidera an flexible work arrangements sugad han four-day workweek o work-from-home schemes agud maibanan an epekto han naghihinitaas nga presyo han lana ngan maproteheran an seguridad han mga empleyado.
Sumala kan Bureau of Working Conditions Director, Alvin Curada, boluntaryo an pagpapatuman han sugad nga setup ngan nakadepende ha kasabutan han employer ngan empleyado. Ginmalatumat hini nga mayda pira nga sektor nga dire pwede igpatuman ini hin haluag mahitungod ha epekto ha operasyon ngan ekonomiya.
Ha four-day work week, pwede ighatag an komon nga 40-hours nga sinemana nga trabaho ha upat kaadlaw, tikang Lunes kutob Hwebes, samtang ha work-from-home setup, pwede magtrabaho ha balay kada Biyernes, depende ha klase han trabaho. Mahuman makigsabot ha mga empleyado, kinahanglan magpasa hin report ha online compliance portal han DOLE an mga employer.
An abiso in kasunod han dagko nga paghitaas ha presyo han lana mahitungod ha nagtitikaduro nga kasamok ha Middle East mahuman an joint military operations han United States ngan Israel kontra ha Iran dida han Pebrero 28.
