TACLOBAN CITY – Yinukot-yukot nga mga miyembro ngan taga suporta han LGBTQIA+ Community ha Sinirangan Bisayas an nakiduyog ngan bumunyog han gindumara nga Pride Parade 2024 nga nagtikang ha Libertad Freedom Park, Tacloban City nga lumibot ha mga panguna nga mga kakarsadahan han syudad.
Bitbit nira an mga panawagan nga tapuson na an gender discrimination nga igpasar na an SOGIE bill, inequality, climate crisis ngan an natatabo nga genocide han mga Palestinians.
Nakiusa gihapon an mga local drag queens, local artists ngan pati gihapon an artist nga hi Nick Deocampo nga nagpakita ngan nag serenade hin mga kanta nga para ha LGBTQIA+ community nga nagpapasarang naman hin paghigugma, acceptance ngan empowerment pinaagi han ginbuhat nga Pride Night.
Nagkaada gihapon ini dida han Hunyo 14, 2024 hin usa naman nga Pride Prom nga kun diin, an mga tumambong in nagkaada hin tsansa nga magkakilala ngan mag enjoy.
Gin organisa ini han Amnesty International Philippines- Eastern Visayas Chapter, Eastern Visayas Pride nga kun diin, media partner gihapon an Bombo Radyo Tacloban.
Photo Courtesy: Merol Sandawa
