TACLOBAN CITY– Lauman hiton mga konsumidor an pagios hiton presyo han pula nga sibuyas labi na yana nga tikaharani na an kapaskuhan ngan bag-o nga tuig.
Sumala kan Ricardo Ogardo,OIC Market Superintendent, Tacloban City Supermarket, nadalagan na yana an presyo han sibuyas ha P350 per kilo.
Subay naman ha ira nagin monitoring ha mga nagbabaligya hiton sibuyas,usa ha mga rason han mga ine in matungod nga hitaas gihapon an presyo nga iginpapasa han ira supplier sanglit, dire hira pwede magpahamubo hiton presyo matungod nga malulugi an ira pakabuhi.
Dugang pa hine, waray panaman may nahihipatik nga hoarding han sibuyas ha pira na mga merkado ha Sinirangan Bisayas.
Ginlalauman pa ni Ogardo nga posible pa ine humitaas kutob ha katapusan hiton tuig.
Nagsuhestyon naman ine ha mga konsumidor, agud nga makatipid nga gumamit han busag nga sibuyas kumo alternatibo, matungod nga hamubo ine an presyo ha pagkayana kun diin nadalagan la ine ha P180 per kilo.
