-- Advertisements --
Iginduon ni Presidente Ferdinand Marcos Jr. nga dire kontrolado han gobyerno an presyo han lana ha world market, pero dire angay ha publiko an bug-os nga epekto hini.
Sumala ha presidente, klaro an prayoridad han gobyerno nga dayun maibanan an epekto han paghitaas han presyo ha kada-adlaw nga kinabuhi han mga Pilipino.
Gintagan-duon gihapon hini nga dire dapat maabat han kada pamilya an kabug-at han krisis nga waray naman hira hibabruan.
Ini daw an rason kun kay-ano nakapukos an gobyerno ha malaksi ngan direkta nga bulig, labi na ha pagkaon, pamasahe, kuryente, ngan iba pa nga pangunahon nga gastuson.
Kinahanglan maabaat dayun an aksyon han gobyerno ngan dire ini dapat madelatar.
