-- Advertisements --
NATIONAL – Igin pahayag han Department of Agriculture (DA) nga padayon an pag-umento han presyo han karne han manok ha mga paralitan ha nasud.
Basar ha pinakabag-o nga price monitoring report han ahensya, aada ha 190 ka pesos kutob 250 ka pesos kada kilo an presyo han karne han manok.
Ini in mas humitaas hin haros 30 ka pesos tikang ha anay 160 ka pesos kutob 220 ka pesos kada kilo han nakalabay nga bulan.
Pag-isplikar ni United Broiler Raisers Association president Jose Gerardo Feliciano, an nasabi nga pag-umento ha presyo in mahitungod han paghamubo han broiler stock,
Mahuman nga ibanan han mga poultry raiser an ira mga manok nga pankatay agud makabawi ha pagkalugi han nakalabay nga bulan.
