Ginlalauman nga magkakamay-ada hin magka-iba nga kiwa ha presyo han produkto nga petrolyo ha masunod nga semana, kun diin posible nga humitaas hin dako an presyo han diesel samtang maubos naman an presyo han gasolina.
Basar ha upat kaadlaw nga trading han Mean of Platts Singapore (MOPS) ngan pagkiwa han foreign exchange, ginbabana-bana nga mahitaas an presyo han diesel hin P4 ngada ha P4.50 kada litro.
Samtang, posible naman magkamay-ada hin rollback ha gasolina hin P1 ngada ha P1.50 kada litro.
Subay ha usa nga source tikang ha oil industry, an paghitaas han presyo han diesel in resulta han pagkabaraka ha global supply han lana mahuman an daw pag-undang han negosasyon para ha peace deal ngan panibag-o nga hulga han Iran nga igsarado an Strait of Hormuz.
Dugang pa hini, nakadugang gihapon ha paghitaas han presyo an pagkabaraka nga posible umubos ha kritial nga lebel an global oil inventories kun magpapadayon an presente nga kalaksi han paggamit han mga reserba nga lana.
