TACLOBAN CITY – Waray pag umento ha presyo han mga bugas nga ginbabaligya ha kamerkaduhan, ine in sumala kan Brenda Pepito, Chief hiton Agri-business and Marketing Assistance Division hiton Department of Agriculture Regional Office Vlll.
Waray gihapon pag-umento ha mga imported commercial rice ha parehas duha hine nga kategorya, an special ngan premium rice.
Samtang, “kulang” ngada ha “waray stock” naman han imported nga well-milled ngan regular milled nga bugas ha mga merkado kun diin kaurugan in amu an ginpapalit han mga kunsumidor mahitungod han barato hine nga presyo.
Ha pagkayana in waray pa gihapon locally-produced nga bugas mahitungod nga waray pa mag harvest season ngan maikokonsidera pa ine nga bulan lean months sanglit waray pa abilable nga local nga bugas nga tikang mismo ha rehiyon, kun may-ada man ine tikang an mga ine ha Nueva Ecija, Iloilo, ngan Isabela kun diin waray gihapon ine mag umento.
Ha kaluyo han kakulangan han suplay han locally produced nga well-milled ngan regular milled nga bugas in nagpapabilin ine ha parehas la gihapon nga presyo, an well milled ha P56 ngan P54 naman ha regular milled rice.
