TACLOBAN CITY– Naglalaom an pira na mga paragbaligya hiton baboy ha merkado publiko, nga dire na maghinitaas an presyo han kada kilo hine, matungod nga labot la ha ira in nakukurian gihapon an mga konsumidor.
Sumala kan Lonloy Go, Meat Vendor Tacloban City Supermarket, ha pagkayana waray pa pag-umento an presyo han baboy ha merkado bisan ha kaluyo nga harani na an kapaskuhan.
Dugang pa hine, ha pagkayana na-angkat hira hin baboy tikang ha Mindanao, ngan an presyo hine in stable, sanglit nagpapabilin nga P350 per kilo an ira baligya, depende naman kun anu nga parte an karuyag hiton kustomer.
Ha pagkayana waray pa abiso ha ira nga mag-uumento hira han presyo ha kada kilo hiton baboy, usa naman ha ira hingyap matungod nga nadire hira nga maparehos han nakalabay nga tuig nga umabot ha P450 per kilo an pinakahitaas nga presyo nga ira naihatag ha mga komsumidor.
