TACLOBAN CITY– Ginpaangbit hiton pira nga mga negosyante han syudad, nga hamubo na an presyo hiton premium rice ha merkado hiton Tacloban.
Sumala kan Grains Retailers Confideration Eastern Visayas, President Frederick Dy, nga ha pagkayana, ada na ha P48-47/per kilo an presyo hiton mga imported nga bugas tikang ha anay P54/per kilo hine han nakalabay nga mga bulan.
Dugang pa hine, ada liwat ha P42-45/ per kilo an presyo hiton local rice nga ginbabaligya ha merkado.
Ginmalatumat hine nga nagpapadayon yana an harvest season ha Abuyog Leyte, kun diin damo an naka-stock nga bugas han nakalabay, sanglit nga hinay-hinay ine nira nga gindi-dispose ha barato nga presyo, agud nga magamitan ine hiton mga konsumidor.
Ginpaangbit pa hine, nga ha pagkayana, ada ha P21/per kilo an presyo hiton humay, ngan ginbabana-bana nga magdudugay an nasabi nga pan-harvest kutob ha katapusan hiton Marso.
