TACLOBAN CITY – Guin klaro han pamunuan han Professional Regulation Commission Regional Office 8 nga extended an pagfile han Licensure Examination for Teachers (LET) Exam para ha kabug-usan nga Sinirangan Bisayas.
Sumala kan PRC 8 Regional Director Narcival Randie Taquiqui nga guin grant han PRC Central Office an deadline han filing dida han nakalabay nga Hulyo 14 hasta ha Hulyo 21 mahitungod han naeksperiensyahan nga black out dida han nakalalabay nga semana hiagi han bumay-og nga 6.5 magnitude nga linog dida han nakalabay nga semana.
Guin-agahat naman han mao nga opisyal an tanan nga waray makahabol nga magfile han nakalabay nga semana nga singabuton an guin extend nga pagpasa han mga rekisitos agud nga makag-take han exam ha tiarabot nga Setyembre 24.
An kaparte han pamahayag ni Regional Director Narcival Randie Taquiqui han Professional Regulation Commission Regional Office 8
Manunumduman nga naging apektado an pagproseso han mga transakyones an PRC ngan pira pa ng ahensya han gobyerno mahitungod ha naging problema ha surok han kuryente.
