NATIONAL – Nag alutaga an Philippine Ports Authority (PPA) hin P16 billion para ha pagpapahaluag ngan pagmomodernisa ha mga pangunahon nga port projects han nasud ha masunod nga upat katuig.
Sumala kan PPA General Manager Jay Santiago, dako nga parte han nasabi nga pondo an gin alutaga para ha implementasyon han 14 nga big-ticket port projects han ahensya.
Lima hine in aadto ha Luzon, unom ha Visayas, ngan tulo naman ha Mindanao.
Pag-eksplikar han ports manager han nasud nga P3.5 billion tikang ha tinuig nga P4 billion nga pondo hine an igin aalutaga para ha mga nasabi nga proyekto kada tuig.
Samtang, an mga proyekto in gin kakalakipan han Port Capinpin, Currimao Port, Jose Panganiban Port, Bologo Port ngan Claveria Port ha Luzon.
Ha Visayas, ginkakalakipan ine han Catacbacan Port, Tapal Port, Babatngon Port, Banago Port, ngan Ormoc Port, kaupod an pagtitindog hin bag-o nga pantalan ha Northern Samar.
Para ha Mindanao, ginkakalakipan ine han bag-o nga konstrakyon han panatalan ha Dapa, Surigao del Norte para ha mga cargo ship, pag-upgrade ha Port of Sasa; ngan expansion han pantalan ha Misamis Occidental.
