Ginmalatumat han South Korean cardinal nga hi Lazzaro You Heung-Sik nga nakadepende ha North Korea kun madadayon an posible pagbisita ni Pope Leo XIV ha nasud.
Sumala ha cardinal, andam an Santo Papa nga bumulig ha pagduduso han kahimyang ha Korean Peninsula, pero an North Korea an kinahanglan maghatag hin imbitsyon ngan magtalaan hin mga kondisyones para ha pagbisita.
Ginmalatumat gihapon niya nga an nasabi nga pagbisita, kun madadayon, in posible makabulig dire la ha relasyon han North ngan South Korea kundi pati na gihapon ha posible nga papel han Vatican ha isyu nga North Korea-United States.
Dugang pa han cardinal, an namatay nga Pope Francis in anay na nga nagpahayag han kaandaman bumisita ha North Korea ngan bumulig ha kahimyang ha rehiyon.
