Nagpaabot hin pag-ampo hi Pope Leo XIV para ha tanan nga Pilipino nga naapektaran han magnitude 7.8 nga linog nga umigo ha baybayon han Sarangani dida han nakalabay nga semana ngan pumatay na ha 61 ka-tawo.
Ha iya mensahe ha iya X account, ginmalatumat han Santo Papa nga gin-aampo niya an mga namatay ngan an ira mga pamilya, an mga nasamaran, ngan an tanan han padayon nga nagkukuri mahitungod ha nasabi nga kalamidad.
Manunumduman nga nagdurot hin grabi nga danyos an makusog nga linog nga umigo ha parte han Mindanao dida han Hunyo 8, kun diin magkadurudilain nga nasud na gihapon an nagpaabot hin pakikisubo ngan andam nga bumulig ha Pilipinas.
Basar ha pinaka-urhi nga datos han Office of Civil Defense, maabot na ha 61 an ihap han mga namatay, kun diin 54 an tikang ha Region 12 ngan pito naman an tikang ha Region 11.
