INTERNATIONAL NEWS– Gindig-unan ni Pope Leo XIV kakulop nga an kapakanan han mga Venezuelan an angay ig prayoridad mahuman nga mapalusad an pangulod han nasud nga hi Nicolas Maduro ha usa nga operasyon nga gindumara han Estados Unidos.
Mahuman an nagin pag-ampo han Angelus ha St. Peter’s Square, ginpahayag han gi-syasyahani nga American Pope nga kinahanglan nga unahon an katungod han samabayanang Venezuelan, ha bisan anu nga interes o konsiderasyon.
Sumala kan Pope Leo, an pagbalhin han kapas han nasud in kinahanglan nga mag-abre hin dalan pakadto ha paghuhuman han kreminalidad ngan pagduso han hustisya ngan kamurayawan.
Gintagan duon hine an imporytansya han soberanya han Venezuela, nga igpatuman an balaod ngan Konstitusyon, ngan atimanan an katungod pantawo ngan sibil ha kada tagsa.
Gin-aghat gihapon han Santo Papa nga magbinuligay ha pagios agud nga makagpatindog hin usa nga mamurayaw ngan madig-on nga kinabubuwason para ha nasud, nga may mayda espesyal nga pagbaton ha mga kablas ngan duro nga naapektaran han krisis pan-ekonmoniya.
