INTERNATIONAL – Gin-aprubaran ni Pope Francis an pagtindog hin bag-o nga diocese ha rehiyon han Agusan ngan an pagtudlok hin siyahan nga obispo hine, sumala ha usa nga post ha website han Catholic Bishops’ Conference of the Philippines (CBCP).
Kaupod ha Diocese of Prosperidad an probinsya han Agusan del Sur, samtang an siyahan nga obispo naman hine an presente nga auxiliary bishop han Archdiocese of Cebu nga hi Ruben Labajo.
Nagsalawad hin petisyon hi Butuan Bishop Cosme Damian Almedilla dida han 2023 ha paghimo hin bag-o nga diocese nga magigin independent ha Diocese han Butuan, ngan gin-kakalakipan han Agusan del Norte.
Sumala ha report han CBCP, an Diocese of Prosperidad in magigin ika-87 diocese han nasud ngan magigin suffragan han Metropolitan Archdiocese han Cagayan de Oro.
Hi Bishop Labajo in gintudlok komo auxiliary bishop han Cebu dida han Hunyo 2022 ngan naorden komo obispo dida han Agosto 19, 2022.
