Iginbuyagyag ha pagdungog han Senate Committee on Finance nga naapektaran han mga alegasyon han korapsyon ha flood control projects an pira nga programa han Metropolitan Manila Development Authority (MMDA).
Sumala kan Committee on Finance Chairperson JV Ejercito, tikang ha P13.576 billion nga panukala nga budget han MMDA para ha 2026, P5.884 billion la an iginrekomenda han Department of Budget and Management (DBM).
Kaupod ha mga waray katagi hin pondo in an P300 million para ha Phase 2 han rehabilitasyon han Manggahan floodwater channel, ngan P300 million para ha Phase 20 han rehabilitasyon han lower Marikina River.
Sumala naman kan MMDA Chairman Romando Artes, posible nga waray pondohi an mga proyekto mahitungod nga konektado daw ine ha flood control, nga yana in ginlilikayan mahuman nga mabuyagyag an sabot-sabot han pira nga opisyal ngan kontratista ha mga maanomaliya nga proyekto.
Sugadman, ginmalatumat ni Committee on Finance Chairperson Senador Sherwin Gatchalian nga mayda nasasalin nga sobras P1 billion an MMDA para ha flood control, o ginbabana-bana nga P32 million kada syudad ha Metro Manila.
