NATIONAL – Ginmanduhan na ni Philippine National Police (PNP) chief Police General Rommel Marbil an mga commanders hini nga tikangan na an pagtudlok ha mga posible nga “election areas of concern” para ha 2025 Local and National Election.
Sumala kan PNP spokesperson Police Colonel Jean Fajardo nga an mga kapulisan yana in ada na ha “election mode” tungod ha nagtitikaharani nga pagfile hin mga certificates of candidacy (COC) ha bulan han Oktubre.
Ighahatag naman han PNP an mga impormasyon nga ira makukuha ha Commision on Elections (COMELEC) para ha mga lugar nga mapapailarom ha election areas of concern.
Labot la hini, ginpagadman gihapon han PNP an mga lugar kun diin kinahanglan hin kadugangan nga tawo para malikayan ngan dayon nga mapoypoy an anuman nga mga posible nga election -related violence.
Manunumduman nga pagbubuhaton an filing han COC tinikangan Oktubre 1 ngada 8.
