Ginsigurado han Philippine National Police nga ira dadakpon hi Senator Ronald “Bato” dela Rosa kun makit-an hiya ha impeachment trial ni Vice President Sara Duterte ha Hulyo 6, 2026.
Ginmalatumat ni PNP Public Information Office Chief Col. Allen Rae Co nga naka-andam an pulisya nga ipatuman an mandato hini kun utro nga magpakita an senador.
Manunumduman nga hi Dela Rosa in presente nga may ginkakaatubang nga warrant of arrest tikang ha International Criminal Court kasumpay han kaso nga crimes against humanity nga may paghisumpay ha kampanya kontra ilegal nga droga ha panahon han administrasyon ni anay Presidente Rodrigo Duterte.
Samtang, nagpapabilin naman nga dire nagpapakita ha publiko an senador mahuman nga gumawas an warrant kontra ha iya.
