NATIONAL – Balik na ha normal nga operasyon an han-ay han Philippine National Police (PNP) mahuman an ira malinampuson nga pagseserbi dida han naglabay nga midterm elections.
Ha iya nagin pahayag, ginmalatumat ni PNP Chief PGen. Rommel Francisco Marbil nga an pagbabalik han ira han-ay ha normal operations in senyales nga nabuhat hin sakto han PNP an ira mga trabaho ha kaluyo han pipira nga mga insidente nga nahipatik dida han eleksyon.
Dugang pa hine, usa ha pinakadako nga success han ira han-ay an nagin maupay nga resulta han piniliay nga nagin generally peaceful ngan waray nahipatik nga major incidents.
Syahan hine in nagpasalamat naman an hepe ha mga kapulisan nga nagbantay dida han eleksyon kaupod an pira nga military personnel tikang ha Armed Forces of the Philippines ngan iba pa nga bumulig para ha pagpapasuod han mahugot nga seguridad ha grounds.
