Iginpahayag han Philippine National Police (PNP) nga andam hira bumaton ha mga reklamo nga ginpasaka ni Davao City Acting Mayor Sebastian ‘Baste’ Duterte ha pira nga mga membro han PNP.
Ha usa ng presscon, ginkumpirma ni PNP Public Information Office Chief PBGen. Randulf Tuano nga maghuhulat anay hira hin mga direktiba tikang ha mga kaangayan nga otoridad kasumpay ha ira mga magigin masunod nga pitad kasumpay han istoryahon.
Kaupod manggud ha mga ginpasakahan hin reklamo hira anay PNP Chief PGen. Rommel Francisco Marbil, PGen. Nicolas Torre III, ngan magin hi anay PNP Spokesperson PBGen. Jean Fajardo.
Sumala pa kan Tuano, tatagan hin higayon an mga dabi nga pulis nga makaghatag han ira baton kasumpay ha nasabi nga isyu ha mas madagmit nga panahon kumo kaparte han ira mga katungod.
Samtang, naatubang naman an mga iginre-reklamo nga kapulisan ha mga kaso nga kidnapping, arbitrary detention, qualified direct assault, expulsion, ngan usurpation of judicial functions ha ilarom han Revised Penal Code magin ha daw pagtalapas han mga ine ha Anti-Graft and Corrupt Practices.
