TACLOBAN CITY– Ginmalatumat hiton Philippine National Police, Regional Office 8, an ira mga nagin accomplishments o kabag-uhan tikang han magtikang an administrasyonng Marcos.
Sumala kan PNP Regional Office 8, Regional Director, PBGEN. Reynaldo Pawid, tikang han 2022-2024 padayon an ira ginhihimo nga pagsunod ha ira mandato nga trabaho, partikular na dinhi an protehiran an seguridad han rehiyon.
Ginmalatumat han nasabi nga opisyal, nga agud ma mintinar an mahimyang nga seguridad, kinahanglan nga tumanon nira an crime prevention, ngan gamiton an tanan nga mga crime prevention measures nga mapabilin an kahimyang han Sinirangan Bisayas.
Dugang pa hine, usa gihapon ha ira mandato, an pagigin andam han ira mga tinaglawas, public safety operation sugad hiton pagkakamayda hin bagyo, kalamidad ngan bisan anu nga krisis nga kaka-atubangon hiton usa nga komunidad.
